جماعت اسلامی کے مینار پاکستان پر ہونے والے اجتماع عام میں شرکت کے لئے کراچی سے ایک ہزارسے زائد مردوخواتین پر مشتمل قافلہ ملت ایکسپریس کے ذریعے پہنچ گیا، ریلوے پریم یونین کے مرکزی ڈپٹی چیف آرگنائزر خالد محمود چوہدری اور شباب ملی کے صدر رانا عدنان نے مہمانوں استقبال کیا ۔فیصل آباد کا ریلوے اسٹیشن نعرہ تکبیر کی صداؤں سے گونجتا رہا۔بعد ازاں انہیں بسوں کے ذریعے لاہور روانہ کر دیا گیا جبکہ آج بھی ملت ایکسپریس اور پاکستان ایکسپریس کے ذریعے دوہزار سے زائد مردوخواتین اور بچے فیصل آباد پہنچیں گے ۔ دریں اثناء ضلع بھر سے سینکڑوں بسوں کے ذریعے جماعت اسلامی سے وابستہ ہزاروں مردوخواتین اور بچوں پر مشتمل قافلے آج لاہور کے لئے روانہ ہوں گے اور نماز جمعہ مینار پاکستان پر جا کر ادا کی جائے گی۔شہر کے مختلف حلقوں سے جانے والے قافلوں کی قیادت مقامی زونل امراء کریں گے۔پی پی 65 سے جانے والے قافلہ کی قیادت مجیب الرحمان بھٹی،پی پی 66 میاں انوار الحق ،پی پی 67 یوسف گل پراچہ،پی پی 68 حاجی محمدحنیف،پی پی 69 میاں منیر احمد، پی پی 70 ڈاکٹرمحمد انور،پی پی 71 سلیم سرور ، جبکہ پی پی 72 سے جانے والے قافلہ کی قیادت میاں ظاہر رشید سے کریں گے۔
کوئی تبصرے نہیں:
ایک تبصرہ شائع کریں